logo

                            ​        

Las associacions

Institut d'Estudis Occitan Miègjorn Pirenèus

L'IEO Miègjorn-Pirenèus

Associacion de lei 1901, la seccion locala Miègjor-Pirenèus de l’Institut d’Estudis Occitans es una associacion regionala federada a l’IEO. A per tòca lo manten, la promocion e lo desvolopament de la lenga e de la cultura occitana. Trabalha aital en coordinacion amb las autras associacions afilhadas a l’IEO tala coma los cercles locals, mès tanben las seccions departamentalas e federalas de l’IEO.

Sos mejans d’accions principals son :

  • l’ensenhament (cors publics pels adultes, activitats educativas pels joves)
  • las activitats e manifestacions culturalas (conferéncias, velhadas, recitals, publicacions, organizacion d’espectacles, d’exposicions, de concèrts) que favorizan la coneissença de la lenga e de la cultura occitana e son usatge public
  • e totas las autras iniciativas que pòdon servir las tòcas de l’associacion.

 

Lo Diari

Lo Diari es mai qu'una revista, es una veirina. Per totas (totes) las e los qu’obran en occitan, que parlan e fan parlar : los que fan dins la lenga nòstra. Perque las associacions del ret Miègjorn-Pirenèus son nombrosas, perque lors sòcis son apassionats, Lo Diari s’esperfòrça de botar en davant aquelas valors, aquela riquesa, aquela creativitat. Trobarètz dins Lo Diari d’articles suls eveniments passats o de venir, de renduts comptes scientifics, d’anóncias de publicacions e un agendà culturel. La revista (que se pòt tanben trapar sul nòstre siti internet) ofrís al lector un panoramà vivent de la cultura occitana actuala. E, coma la cultura muda, Lo Diari, el, avança. Mai d’articles de fons, d’entrevistas amb los actors magèrs del monde cultural occitan e de pajas sus l’actualitat fòra del ret de l’IEO. Tot aquò per contunhar de faire parlar l’occitan !

 

IEO MP – Lo Diari
11 car. Malcousinat
31000 Tolosa

Corriel : ieom-pireneus@ieo-oc.org 
noscontactar@lodiari.com

Tèl : 09 62 56 09 91