logo

                            ​        

Las associacions

Los Amics del Sabartés



es una associacion tipe lei 1901 a vocacion culturala.

A per tòca la mesa en valor, la proteccion del patrimòni istoric, arqueologic e cultural dins lo departament d'Arièja e mai particularament la region de Sabarthés situada als rededors de Tarascon-sus-Arièja.

Sul plan istoric, l'associacion se prepausa de desvolopar o de promòure d'accions d'informacion, de prevencion, de restauracion o de conservacion dels sitis bastits o naturals.

Sul plan cultural, l'associacion se fixa egalament coma objectiu de collectar e de difusir las informacions relativas als usatges e a las costumas locals.

Sul plan arqueologic, l'associacion a l'intencion de promòure l'arqueologia dins lo departament per de conferéncias, de publicacions, de vistalhas de sitis medievals e preïstorics sul plan departamental, regional o quitament nacional.

Çaquelà, l'associacion desvolopa d'activitats pluridisciplinàrias dins los domènis seguents :
espeleologia, arqueologia, istòria locala, estagis a tèma (catarisme, musica dels trobadors e folclor occitan) sus un o mantunes jorns amb possibilitat d'albergament, vistalhas guidadas (baumas e sitis catars) e comentats dins mantunas lengas.

Sul plan cultural es previst de concerts de flaüta de Pan e d'instruments medievals suls tèmas cantats bèl temps a pels trobadors.

De corses d'iniciacion a la musica pòdon èsser dispensats.

Un còp per mes, velhada occitana, practica e estudi de la lenga d'Òc, lectura e comentaris dels tèxtes occitans.

Cada dos meses, conferéncia publica sul tèmas diferents ligats a l'istòria d'Occitània e dels catars.
Un còp per sason, dimenjada seminari e sejorn sul catarisme amb vistalhas de baumas e de luòcs nauts simbolics.

Sul plan mai general, l'associacion desira recampar lo patrimòni istoric e arqueologic descobèrt pels cercaires e erudits locals e metre aquelas descobèrtas a la disposicion de public.

L'associacion espèra, dins l'avenidor, organizar de desbosigatges e de reperatges e participar a de cèrcas legalas jos la tutèla d'arqueolòcs oficials.

 

Contact :
20 rue des thermes,
09400 Ornolac-Ussat les Bains

Tel : 06 30 64 22 14
Ou : 06 98 09 56 03

Site internet : http://www.occitanie-cathare.com/index.htm