logo

                            ​        

Las associacions

Radio Occitània


Dempuèi 1981, Radio Occitania es una estation de radio FM a tematica occitana prepausant cadas jorns programes majoralaments bilingues (occitan francès), mas tanben catalans, sense desbrembar lo conjunt de las lengas e culturas presentas a Tolosa : africanas, antilhesas, bulgaresas, chinesas, espanhòlas, magrebinas, portugeses e vietnamianas.
Difusida 24o/24 sul ròdol mondin (98.3), los parçans d'Auteriva (106.1), de Sant-Gaudenç (89.4), de Lutzon Val d'Aran (95.5) atal que dins lo monde entièr en Streaming via lo seu siti malhum.
 

 

Porgiment :

Radio Occitania difusís, cada jorn, 16 reng-de-pè d'assabers regionals, nacionals e internacionals en occitan (dont 3 butletins bilingues a 12h, 6o30 del vèspre e mièja-nuèit).
Radio Occitània prepausa, mantunes còps per setmana, corses d'emprincipiament e de perfeccionament a la lenga occitana (diluns 11o, dijòus 6 oras del vespre, divendres 12o30).
Radio Occitània, farga, amb l'ajuda de la region Miègjorn-Pirenèas, un setmanièr avodat a l'actualitat culturala occitana e difusit per 12 autras radios localas de Bordèu cap a Montpelhier.
Ço meteis, certes dels seus programas occitana-catalans son tornat preses per d'estacions catalanas.
Los tèmas abordats son de tota menas (economica, politica, esport, literatura, cinema, cultura, Istòria, actualitat) e botan un lum occitan sul monde d'auèi.
Radio Occitània ten a mai d'aquò un ròtle pedagogic bèl.
Permet de balhar la paraula a d'animators d'origina forastièra fasent atal mestier de biais d'integracion.
Permet un sensibilisacion a las culturas del sud pel biais de la seuna programacion miègterranèu e occitana.
Favoreja un assaber de proximitat, mercés a un assaber jornalièr sus las manifestacions especificas al seu airal de coberta.
Mena al seu auditors una coneguda melhora de las culturas e lengas del ròdol miègterranèu monstrant atal, las loras riquesas, las loras diversitats e mai que mai los lors punts de convergença.
Es en constanta ligason amb las autras radios a tematica occitana bèla : Radio País, Radio Albigés e Radio Lenga d'Òc, atal qu'amb las còlas de " Viure al Pais " e Barcelona TV.

Contact :

RADIO OCCITANIA
60, carrièra d'Assalit
31500 Tolosa
Tel : 05-61-80-40-40
Fax : 05-62-16-22-14
E-mail : info@radio-occitania.com
Site : www.radio-occitania.com

Responsables : Guy Mimart, Cédric Rousseu