logo

                            ​        

Las associacions

Set de Cant

Un chœur d’hommes

Set de Cant, es l'istòria d'una banda de garç de la region tolosana, recampats per una amistat redde fòrta e per un comuna "set de cant". Posam lo nòstre repertòri dins la tradicion musicala d'Occitània bèla, del piemont transalpin fins a las ribas de la mar granda en passant pels países vesins de las culturas tant pròchas. Cants populars que contan la vida de cada jorn de las gens modèstes. Istòrias de pastres dels Pirenèus, de païsans de Lengadòc, d'obrièrs de Roergue... Cants de fèstas e cants sagrats, cants de glèisa o de taulièr. Cants de tradicion orala, que se fan passar sens cap d'orquèstre e sens particion, de boca a aurelha, de generacion a generacion. Cants polifonics, ont las voses se mesclan e se combinan, en formar un assemblatge sonòr a l'encòp bruta e rafenat. Cants que testimònian de la riquesa artisitc del País nòstre. Es al nòstre torn de nos apropriar aqueste repertòri per lo portar en i tot aportar lo nòstre gaubi, lo nòstre vam e la nòstra enavant.


Un talhièr de cant mixte

Al còr de Tolosa, dins lo barri de la Dalbada, un grop d'apassionats de cant e de cultura occitana se tròban cada dimarç al ser per trabalhar a  2, 3 ou 4 voses de cants del terrador que sián de taulièrs, de carrièra o de glèisa, sansònhas, cants de fèstas o de dançar. Lo talhièr es animat pels cantaires de  ‘Set de Cant’ fisèls a la tradicion de la trasmission orala de lor repertòri. Es mixte e plan segur dobèrt al debutant.  Rejonhètz nos !

Concèrts, animacions de fèstas, cantam dins las glèisas, salas de las fèstas o per d'animacion de carrièra un repertòri de cants polifonics tradicionals d'Occitània tota, en occitan e en francés o de regions vesinas d'Euròpa del sud, Itàlia, Corsega e Catalonha.
 

Per mai d'entresenhas :
 
alain.boehler@gmail.com
tél : 06 30 51 26 98