logo

                            ​        

Las associacions

Òc per l'occitan

 

Qu'es aquò ?

Òc per l'occitan es un certificat desvolopat amb l'Institut d'Estudis Occitans pour localizar las entrepresas e organismes utilizant la lenga occitana.
Pòt èsser present dins lo comèrci, l'artesanat, las entrepresas industrialas, las associacions e las professions liberalas.
Aquel certificat es adaptat a las capacitats de cadun amb tres nivèls :

  • 1) Aicí l'occitan nos agrada : la lenga es vesedoira amb un o mai d'un supòrts escrits.
  • 2) Aicí parlam occitan : la lenga es parlada per al mens una persona al servici del public.
  • 3) Aicí l'occitan es pertot : la lenga es aquí lenga de servici e de trabalh a l'escrit coma a l'oral.

Perqué ?

Far viure l'occitan balha de coeréncia e de fòrça a la nòstra identitat. Aquò nos ajudarà per melhor comunicar e pauzar de relacions economicas e socialas novèlas amb totes nòstres vesins de lenga romana ( Catalans, Espanhòls, Italians, Portugueses).
Dins lo domeni economic, l'apròchament entre identitat e productes es de mai en mai presat. Aquò se confirma amb eficacitat per la venda dels productes alimentaris, que siague locala o a l'exportacion, mas tanben per lo torisme e la produccion culturala e artistica. Lo consomator mòstra per aquela recèrca de valors novèlas que son a ligar progrès e tradicions e que van en contre de l'uniformizacion del monde actual.
Enfin es clar que la multiplicacion d'aquel engatjament ajudarà la socializacion de la lenga occitana. Son emplec serà confortat dans la vida vidanta.

Cossí ?

Òc per l'occitan assegura la promocion del label e de sos sòcis amb un annuari que recampa totes los certificats, un siti internet, un pega-solet per facilitar lo reperatge d'Òc per l'occitan e una recèrca de mediatizacion coma per las remesas collectivas dels certificats.
De mai un servici de la lenga es prepauzat amb l'I.E.O. - traduccions, edicion, corses e estagis lingüistics per adults -

Contacte :
I.E.O./ Oc per l'Occitan
42, carrièra dels blanquièrs
31000 TOLOSA
Tel : 05 67 00 65 31
e.mail : ofici@occitan-oc.org
siti oèb : www.occitan-oc.org