logo

                            ​        

Las associacions

Fondacion Occitània


Creada aprèp una declaracion simbolica facha lo 16 de mars 1994 a Montsegur (Arièja), la Fondacion Occitània recampa d'actors de la vida civila, industriala, professions liberalas, particulièrs, que se vòlon implicar diferentament per sosténer e espandir la cultura occitana a travèrs una mesa en movement del mond economic notadament.

A menat un bon nombre d'accions depuèi 1994 e participèt activament a la creacion de la Convergéncia Occitana en 1998.

Participèt egalament al projècte "NIKAN" en 1998 qu'aviá coma amira d'organizar lo 2nd Congrès internacional sul desvolopament durables e nosèt en aquela escasença ligams fòrça estreches amb lo Quebèc, e mai particularament amb los amerindians canadians "Montagnais" que la lor delegacion foguèt estada recebuda mantun còp a Tolosa e dins Arièja dempuèi aquel temps.
Es portairitz d'un projècte de monument per Montsegur que la maqueta es estada realizada pel Danièl Coulet "Monument pels aucèls de Montsegur", Arca de 8 mètres de long e de 6 mètres de naut en bronza que serà pausat dins lo parçan del "pòg" tre lo finançament recampat.

La Fondacion Occitània pòrta tanben lo projecte de "Platèu Medià" de l'Ostal d'Occitània que deu permetre de dispausar dins l'Ostal d'Occitània de Tolosa, d'un estudiò ràdio e television virat cap als mèdias de la region (Ràdio Occitània, Ràdio Lengadòc, Ràdio País, Òc-Tv net....)

S'agís tanben de butar una vertadièra agéncia de premsa occitanofòna a Tolosa, disponibla per tornar difusir totas las informacions sul sicut o concernent Occitània bèla.
Aqueste Platèu Mèdia serà installat al 1èr estanci de l'Ostal d'Occitània, 11 carrièra Malcosinat a Tolosa e entamenarà sas activitats per la davalada 2007, los finançaments son demandats a las colectivitats localas (Comuna de Tolosa, Conselh General 31 e Region Occitània Centrala.

Sèti de l'associacion : Ostal d'Occitania 11 rue Malcousinat 31000 Toulouse
President : Joan-Francés Laffont
Lògo : Danièl Coulet ®