logo

                            ​        

Las associacions

D'Arts et D'oc :

Cultura occitana pels escolans

Dempuèi 1990, l'associacion D'Arts et d'Oc endralha o sosten tota mena de projèctes que la tòca n'es d'enriquesir l'environa culturala de l'ensenhament de l'occitan : viradas de contaires, de pèças de teatre, de musicians, dirigidas primièr cap als escolans de l'ensenhament primari o segondari ; presentacion pels ensenhants d'espectacles nòus que poirián pus tard interessar los escolans.

L'encastre de l'accion de l'associacion es la Region Miegjorn Pirenèus, amb una prioritat donada als despartaments que nos subvencionan (Nauta Garona mai que mai a l'ora d'ara, mas aquò pòt evoluir).

Avèm participat a l'organizacion del darrièr recampament de liceans qu'estúdian l'occitan en Miegjorn Pirenèus, en collaboracion estrecha amb lo Rectorat de Tolosa, l'universitat de Tolosa Lo Miralh e lo CROM.

Demest los artistas qu'avèm agut lo plaser de far venir fa pas gaire, podèm mençonar lo TIO-Teatre de La Rampa, La Comèdia Dell Oc, Marie Odile Dumeaux, Ives Durand, mas sèm obèrts a tota mena de proposicion, e a las suggestions dels ensenhants e dels conselhièrs pedagogics.

Mai d'entre-senhas al prèp de :

Pascal Thomas (president de l'associacion),
pthomas@cict.fr, 05 61 55 39 56, 06 31 78 58 83
Arno Krispin (secretari de l'associacion),
akrispinoc@yahoo.fr