logo

                            ​        

Las associacions

Calandreta de Còsta Pavada

L’associacion Calandreta de Còsta Pavada a per mestièr l’educacion e l’enantiment de la cultura occitana a cò dels dròlles. Baileja las activitats de l’escòla e de l’aleserador associats.

Calandreta es una associacion que met en òbra una collaboracion efectiva dins la realisacion e l’espeliment de son projècte amb los parents, los regents e las collectivitats territorialas.

L’implicacion dels parents es nessita e indispensabla dins dos domènis :

  • La vida vidanta de l’escòla (delegats al rescambi e servicis renduts).
  • L’administracion e lo bailejament de l’escòla (responsabilitat al conselh d’administracion de l’associacion).

La participacion activa e fòrta dels parents pòrta l’escòla e l’enriquesis.

Las ressorgas de l’associacion bailejaira de l’escòla ven d’ajudas de l’Estat (pòstes de regents), de las collectivitats localas, dels parents, de sostens excepcionnals venent de las autras calandretas, de las Federacions o de la Confederacion de las Calandretas.

Coma membres de l’associacion, los parents pagan una escotisson per cada dròlle de la mairala al CM2.