logo

                            ​        

Las associacions

CREO de Midi-Pyrénées

Lo CREO Miègjorn-Pirenèus, Centre Regional dels Ensenhaires d'Occitan, es estat creat en 1969. Recampa dempuèi totis los ensenhaires d'occitan, de la mairala a l'universitat. Es devengut un partenari important de las collectivitats territorialas. Li debem la creacion del CAPES d'occitan, del CRPE bilingue, de la presencia d'Inspectors de lenga e cultura regionala coma d'un fum de Conselhèrs Pedagogics d'occitan departamentals e de postes de professors d'Universitat o d'IUFM.

Creat en 1969 pel sénher Andrieu Lagarda, son president n'es adara Alan Rainal, Conselhèr Pedagogic d'Occitan de Tarn-e-Garona. Es ara al dintre de la FELCO, Federacion dels CREOs regionals, una fòrça de prepausicion per l'occitan a l'escòla e dins la societat nòstra.
Lo CREO recampa los ensenhaires d'occitan, que fascan d'ensenhament de lenga e cultura occitana jos totas las fòrmas possiblas, extensiva (opcion occitan al colègi, al licèu, lenga viva 2 o 3) coma intensiva (ensenhament bilingue).

Sus la sola academia de Tolosa, mai de 30 000 joves fan d'occitan jos una fòrma o l'autra. Ara, son mai d'un vintenat de sitis bilingues que son dubèrts dins l'Educacion Nacionala, ambe pròche de 2000 dròlles que fan d'occitan dins la mitat de son emplèc del temps.
Lo CREO es partenari regular de las instàncias officiales (Ministèri de l'Educacion Nacionala, Rectorats de las 9 Academias concernidas per l'occitan, Conselh Regional, Conselhs Generals, Comunas...); li debem fòrça avançadas dins l'Educacion Nacionala, per l'escòla, coma per la socializacion de la lenga nòstra.

Vistalhatz lo siti official del CREO Miègjorn-Pirenèus : http://creo-mp.chez-alice.fr/accueil_creo.html

Contact :
CREO Miègjorn-Pirenèus
56, carrièra del Taur
31 000 Tolosa

Secretàri tolosenc :
Pèire Escudé
plescude@wanadoo.fr
06 77 46 17 73