logo

                            ​        

Las associacions

Centre de Formacion Professional d'Occitània (Miègjorn Pirenèus)


Le Centre de Formacion Professionala d'Occitània Miègjorn-Pirenèas (CFPO MP) es un organisme professional al servici de la transmission de la lenga e la cultura occitanas als adultes.
Assegura aquela transmission en prepausant de formacions a l'usatge dels professionals e de corses setmanièrs amb d'autras associacions.

 

Le CFPO Miègjorn-Pirenèas a per vocacion de prepausar als abitants de la Region un accès a la lenga e a la cultura occitanas.

L'objectiu es d'ofrir a totis les qu'ac vòlen les mejans d'aquerir las basas o de perfeccionar lors coneissenças en occitan tan plan coma aquò se pòt far per d'autras lengas mai difusadas.

L'activitat principala del Centre es la formacion de las personas que l'activitat professionala requerís aquesta qualificacion.

Le CFPO-MP fa partida d'una ret de quatre Centres de formacion professionala occitans estructurat dins tres Regions occitanas : Occitània - Pirenèas Mediterranèa (a Tolosa e a Besièrs), Novèla Aquitània (Ortès) e Auvèrnhe-Ròse Aups (Orlhac).
Le CFPO-MP prepausa mantun tipe de formacions, que respondon totas a d'exigéncias precisas de qualitat :

  •    Estagis PARLAR, d'estagis intensius d'un a tres jorn.
  •    Plans de formacions per las entrepresas.
  •    Formacion professionala individualizada.
  •    Les corses Setmanièrs.
  •    Formacions a Distància.
  •    Formacion intensiva
  •    Animacion jove, BAFA

Las formacions prepausadas son creadas segon lo Quadre Europèu Comun per las Lengas (CECRL), que definís de nivèls de competéncias practicas en lenga (compreneson orala e escricha,
expression orala e escricha).
Enfin, las formacions que prepausa lo CFPO-MP se pòdon validar amb los "diplòmas" escapolaire A2, nivèl B1, Nivèl B2 o Nivèl C1.

Se volètz apréner la lenga, se vos fa mestièr dins lo quadre de vòstra activitat professionala... Trantalhetz pas! Contactatz-nos!

Totas nòstras formacions se pòdon inscriure dins lo quadre de la formacion professionala continua e beneficiar de finançaments de la part de vòstre OPCA.

CFPO Miègjorn-Pirenèas
45 rue Gatien Arnoult
31 000 Toulouse

mail : formacion@cfpoc.net
site : www.cfpoc.net