logo

                            ​        

Las associacions

Musica d'Òc


Una Orquèstra novèla de musica classica per Occitània, per la diversitat del seu territòri e pel seu repertòri musical, constituch jos forma d'associacion lei 1901, que recampa de musicians professionals joves enquadrats per de membres de l'Orquèstra del Capitòli de Tolosa.

Novèl orquèstra dins lo paisatge musical de Miègjorn Pirenèus, MUSICA d'ÒC es un ensemble de joves professionals regionals espatlats per de quadres de l'Orquèsta del Capitòli de Tolosa, dirigit per lo Claudi Robisson, que l'ambicion es de portar pertot en Occitània lo messatge de benaürança, de partatge e de convivialitat de la Musica Classica en general e del repertòri regional en particular.
Musica d'Òc es tanben una orquèstra de geometria variabla :


En formacion d'orquèstra de cambra, se compausa de dotze musicans repartits entre violons, violons altos, violoncèls e contrabassa. A aquela sòla de quatuor de còrdas pòdon s'ajustar d'instruments de l'armonia, flaüta, graile, còrn, e trompètas, e ma timbalas en foncion de l'òbra jogada.


Los diferents tipes de formacion possibles (orquèstra de cambra - 12 musicians-, orquèstra tipe " Mozart " - 20 a 30 musicians- o formacion simfonica mai complèta) atal coma l'estructura associativa causida per gerir aquela orquèstra novèla facultant una adaptacion aisida als luòcs, a las escasenças e als budgets los mai diverses.


Tre las seunas debutas, Musica d'Òc recebèt un acuelh fòrça calorós e amistadós dels publics encontrats, confirmant que la mission de difusion de la musica, que desira assumir alprèp de pichòtas e mejanas colectivitats en particular, respond perfièchament a un besonh cultural, identitari e legitim.

Contactes :
MUSICA D'ÒC
12 carrièra Temponièras
31000 Tolosa.

Responsable : Claude Roubichou
Tel : 06 21 06 81 56
mèil : clauderoubichou@yahoo.fr